نامور قومپرست سياستدان ڊاڪٽر قادر مگسي 25 ڊسمبر 1962ع ۾ سنڌ جي تاريخي شهر ٺٽي ۾ جنم ورتو. پاڻ لياقت ميڊيڪل ڪاليج ڄامشورو مان MBBS ڪيائون. ڊاڪٽر صاحب شاگردي واري زماني کان ئي سياست ۾ حصو وٺندو پيو اچي. سائين جي ايم سيد جا قريبي ساٿي پڻ رهيا آهن. شروع ۾ گڏيل جيئي سنڌ تحريڪ ۾ رهيا، پر پوء اختلافن سبب ھڪ وڏي ڌڙي جيئي سنڌ تحريڪ کان جدا ٿي پنھنجي هڪ الڳ پارٽي ٺاھي، جيئي سنڌ ترقي پسند جي نالي سان، جنھن جا پاڻ ھن وقت چيئرمين آهن. ڊاڪٽر قادر مگسي سياسي سرگرمين جي عيوض ڪيترا ڀيرا جيل پڻ ڪاٽي چڪا آهن. سندس ڪالم، مضمون ۽ تقريرن کي سھيڙي ڪتاب ڇپيا ويا آھن جن مان ”چڙھہ چڪيائي چوٽيين“ (ڪالم ۽ مضمون) 1996ع ۽ ” ٿڪيائي ٿرٿيل“ (تقريرون) 2019ع ڇپيل آھن.

سنڌسلامت ڪتاب گهر تي ڊاڪٽر قادر مگسي جا ڪُل 2 ڪِتاب موجود آھن