ھي ڪتاب سنڌ ڌرتيءَ جي ھڪ انتھائي بھادر ۽ بيباڪ انسان ڪامريڊ غلام محمد لغاريءَ جي جيل مان لکيل خطن جو مجموعو آھي جيڪي ھن بنديخاني مان پنھنجي دوست ميان علي بخش علڻ ڏانھن لکيا.
ھو لکي ٿو: ”ھنن اکرن ۾ سترھن تالن جي اندر بند ٿيل قيديءَ جي من جي سوچ ۽ لوچ آھي. جيڪي گهڙيون مون سنڌ کان جدائيءَ ۾ گهاريون آھن، سي منھنجي ندگيءَ جو قيمتي سرمايو آھن. اھي لفظ منھنجي دل جا ٽُڪر آھن، منھنجي مَن جون صدائون آھن. منھنجي اندر جا اُڌما آھن، جن کي منھنجي قيدي قلم پئي لکيو آھي.“