سنڌ سلامت ڪتاب گهر پاران نامياري عالم، اديب ۽ محقق ڊاڪٽر غلام علي الانا جو ڪميٽي ميمبرن سان گڏ لکيل ڪتاب ”سنڌي درسي ڪتاب (ڀاڱو پھريو)“ اوھان اڳيان حاضر آھي. غير مادري زبان وارن آفيسرن / ملازمن لاءِ سنڌي سکيا جو ڪتاب آھي جيڪو سنڌ پبلڪ سروس ڪميشن جي نصاب ۽ منظوريءَ مطابق تيار ڪيو ويو آھي.
سرڪاري ملازمن کي سنڌي ٻولي سيکارڻ جي سلسلي ۾ سنڌ پبلڪ سروس ڪميشن جي اسڪيم آف اسٽڊيز موجب سنڌي ٻولي سکڻ لاءِ نصاب ٺاھڻ جو اختيار ٻولي اٿارٽي کي مليو. بي پي ايس 5 کان 17 ۽ مٿي واري آفيسرن لاءِ ٺاھيل ھن نصاب ڪميٽي جا ميمبر محمد ابراھيم جويو، امين لغاري ۽ تاج جويو ھيا جڏھن تہ نگراني چيئرمين ڊاڪٽر غلام علي الانا ڪئي.
ھي ڪتاب سنڌي لينگيوئيج اٿارٽي پاران 2000ع ۾ ڇپايو ويو، جنھن جي اسڪين ڪاپي حاضر آھي. اسان ٿورائتا آھيون پڙھندڙ نسل (پ ن) ۽ وتايي جي گهر جي دوستن جا جن ھن ڪتاب کي پي ڊي ايف ۾ محفوظ ڪيو.


محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com

نوٽ: ھن ڪتاب جي صرف پي ڊي ايف ڪاپي موجود آھي