چنڊ پشم گولو
نامياري شاعر ادل سومري جو ٻاراڻي شاعريءَ تي ٻڌل مجموعو ”چنڊ پشم گولو“ 1979ع ۾ سنڌ گريجوئيٽس ايسوسيئيشن سکر شاخ جي ان وقت جي جنرل سيڪريٽري رشيد ڀٽي جي ڪاوشن سان ٻارن جي عالمي سال جي موقعي تي ڇپيو هو. ڪتاب جو ٽائيٽل ۽ اسڪيچ قيس عالم ابڙو جا ٺهيل آهن جڏهن تہ ڪتاب ۾ موجود هر صفحي تي ٿيل ڪيليگرافي ڪي بي ابڙو پاران ڪيل آهي. انهن ڏينهن ۾ سِگا سکر برانچ ادبي ۽ سماجي حوالي سان گهڻو سرگرم هئي.