سنڌ سلامت ڪتاب گهر پاران سنڌ جي فڪري سرواڻ انور پيرزادي جي شاھ عبداللطيف ڀٽائيءَ جي شاعريءَ ۽ فڪر بابت لکيل مضمونن، مقالن، تبصرن، ليڪچرز ۽ انٽرويوز تي ٻڌل مجموعو ”ڀٽائي“ اوهان اڳيان پيش ڪري رهيا آهيون.
ھيءُ ڪتاب سنڌ جي تمام ادبي حلقي جو ھڪ وڏو خواب ھو ڇاڪاڻ تہ اھو حلقو انور پيرزادي جي ڀٽائيءَ متعلق ھن جديد نقطئہ نظر کانسواءِ ڀٽائيءَ جي تاريخ کي اڻپورو تصور ڪري رھيو ھو. سو ھيءُ ڪتاب ڄڻ تہ ڀٽائيءَ جي تاريخ جو ھڪ روح آھي، جيڪو ڀٽائيءَ جو نئون تعارف پيش ڪري رھيو آھي. ڀٽائيءَ سان انور پيرزادي جو جيڪو عشق ھو تنھن جو اندازو انھيءَ حقيقت مان لڳائي سگهجي ٿو تہ ڀٽائي سندس سڃاڻپ جو ھڪ وڏو ۽ مشھور حوالو رھيو آھي.
ھي ڪتاب انور پيرزادو اڪيڊمي پاران 2007ع ۾ ڇپايو ويو، جنھن جي اسڪين ڪاپي حاضر آھي. مھربانيون انور پيرزادو اڪيڊمي ۽ امر پيرزادي جون جن ڪتاب سنڌ سلامت ڪتاب گهر ۾ پيش ڪرڻ جي اجازت ڏني.. اسان ٿورائتا آھيون پڙھندڙ نسل (پ ن) ۽ وتايي جي گهر جي دوستن جا جن ھن ڪتاب کي پي ڊي ايف ۾ محفوظ ڪيو.


محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com

نوٽ: ھن ڪتاب جي صرف پي ڊي ايف ڪاپي موجود آھي