ھي شارٽ ڪالم 2006ع جي 23 جون کان 4 نومبر تائين عوامي آواز اخبار ۾ روزاني سلسلي طور ڇپبا رھيا. ھنن ڪالمن جي خاص ڳالھ اھا آھي تہ انور صاحب انھن ڪالمن ۾ پنھنجي اٿاھ اڀياس، مشاھدي ۽ تجربي جو سمورو نچوڙ اوتي ڇڏيو ھو ۽ ان کان بہ وڏي ڳالھ تہ اھو ڪالم انور پيرزادي جي فڪري ۽ عالماڻي سوچ جو تازہ ترين دستاويز ھو. ھن انھن ڪالمن ذريعي سنڌ جي مسئلن واري نبض تي ھٿ رکي ان جو جيڪو جديد، تحقيقي، فڪري ۽ ترقي پسنداڻو حل ٻڌايو آھي سو ڄڻ تہ سنڌ جو منشور آھي.