سنڌ سلامت ڪتاب گهر پاران نئين ٽھيءَ جي خوبصورت شاعر مرتضيٰ ناز جي شاعريءَ جو پھريون مجموعو ” انگاس تي ٽنگيل رباب “ اوهان اڳيان پيش آھي.
مرتضيٰ ناز نئين ٽھيءَ جي شاعراڻي سٿ جو فني ۽ فڪري قالب جو پختو شاعر آھي جنھن پنھنجي ھن تخليقي پورھيي ذريعي جديد سنڌي شاعريءَ جي وسيع سرسبز کيتر ۾ پير ڌريو آھي. ھن وٽ نہ رڳو موضوعن جي گهڻ پاسائين پالوٽ آھي پر فڪري مبالغي بدران سڌي سنئين چوڏھين چنڊ جھڙي چٽي فڪري رھنمائي ڀري واٽ پڻ آھي.
ھي ڪتاب ڪنول پبليڪيشن پاران 2014ع ۾ ڇپايو ويو، جنھن جي پي ڊي ايف ڪاپي حاضر آھي. ٿورائتا آهيون مرتضيٰ ناز جا جنهن ڪتاب جي سافٽ ڪاپي سنڌ سلامت تي پيش ڪرڻ لاء موڪلي ڏني ٿي.


محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com

نوٽ: ھن ڪتاب جي صرف پي ڊي ايف ڪاپي موجود آھي