سنڌ سلامت پاران
سنڌ سلامت ڪتاب گهر پاران نامياري شاعر ۽ نثر نگار شيخ اياز جي ڪھاڻين ۽ نثر تي مشتمل ٻن ڪتابن جو مجموعو ”پنھل کان پوءِ ۽ جڳ مڙيوئي سپنو“ اوھان اڳيان پيش آھي. ھن ڪتاب ۾ سفيد وحشي، نوران، چار ايڪڙ ٻني ۽ کِلڻي سميت ڪل 15 ڪھاڻيون شامل آھن. ھن ڪتاب ۾ شامل ڪھاڻيون اڳ ”سفيد وحشي“ جي نالي سان ڇپيل ڪتاب ۾ پڻ ورھاڱي کان اڳ ڇپيون ھيون.
شيخ اياز جي ڪھاڻين جا ڪردار، سنڌ جي سماج جي عڪاسي ڪندڙ، سٻاجها، ڪي انقلابي، ڪي ڏتڙيل، ڪي سلجهيل، کلڻا، ڪي باغي ۽ محبت جا علم بردار آهن ۽ سڀ ڪردار اسان جي سماج مان اسريل آهن. اياز جي ڪھاڻين ۾ ڌرتيءَ جي خوشبو ڦھليل آهي. سندس ڪردار ڌرتيءَ سان محبت ڪندڙ آهن. ”جڳ مڙيوئي سپنو“ 1985ع ۾ سڳنڌ پبليڪيشن لاڙڪاڻي پاران ڇپايو ويو .
ھي ڪتاب 1990ع ۾ نيو فيلڊس پبليڪيشن پاران ڇپايو ويو، جنھن جي اسڪين ڪاپي حاضر آھي. اسان ٿورائتا آھيون پڙھندڙ نسل (پ ن) ۽ وتايي جي گهر جي دوستن جون جن ھن ڪتاب کي پي ڊي ايف ۾ محفوظ ڪيو..
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي