سنڌ جي بمبئيءَ کان آزادي

سنڌ سلامت پاران

سنڌ سلامت ڪتاب گهر پاران نامياري قومپرست سياستدان، مفڪر، اديب ۽ ڏاھي سائين جي ايم سيد جو لکيل ڪتاب ”سنڌ جي بمبئيءَ کان آزادي“ اوھان اڳيان پيش آھي.
جيئن ئي انگريزن  1843ع ۾، سنڌ تي قبضو ڪيو، انگريز جرنيل سرچارلس نيپئر، ان کي الڳ صوبي جي شڪل ۾ 1847ع تائين هلايو ۽ ان کانپوءِ سنڌ جي صوبائي حيثيت ختم ڪري ان کي بمبئي پرڳڻي سان ڳنڍيو ويو. سنڌ ۾ ڪمشنر رهڻ لڳو ليڪن 1868ع ۾، سنڌ ايڪٽ موجب، ڪمشنر کي گورنر ان ڪائونسل جا اختيار ڏنا ويا ۽ نتيجي ۾، هي صوبو نہ صوبو رهيو ۽ نہ ڪمشنري. سنڌ جي وفادار سياستدانن ۽ شعوروندن سنڌ جي الڳ صوبائي حيثيت لاءِ وڏي تاريخي جدوجھد ڪئي ۽ ان جي نتيجي ۾ پھرين اپريل 1936ع ۾ سنڌ کي بمبئي پرڳڻي کان جدا ڪري الڳ صوبو تسليم ڪيو ويو، جنهن کانپوءِ ان جو پهريون گورنر سر لانسلاٽ مقرر ٿيو. ان جدوجھد بابت سائين جي ايم سيد ھي ڪتاب لکيو آھي.
ھي ڪتاب روشني پبليڪيشن، ڪنڊيارو پاران 1989ع ۾ ڇپايو ويو، جنھن جي اسڪين ڪاپي حاضر آھي. اسان ٿورائتا آھيون پڙھندڙ نسل (پ ن) ۽ وتايي جي گهر جي دوستن جا جن ھن ڪتاب کي پي ڊي ايف ۾ محفوظ ڪيو..

محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام

sulemanwassan@gmail.com
sindhsalamat.com
books.sindhsalamat.com

نوٽ: ھن ڪتاب جي صرف پي ڊي ايف ڪاپي موجود آھي