زندگيءَ جي ٻي تصوير

سنڌ سلامت پاران

سنڌ سلامت ڪتاب گهر پاران نوجوان ليکڪ بيوس محرم مغيريءَ جي مختصر ڪھاڻين جو مجموعو ” زندگيءَ جي ٻي تصوير“  اوهان اڳيان حاضر آهي. سعيد سومرو لکي ٿو:
”پراڻين روايتن کي نئين وقت جي تقاضائن تحت ڏسندي، بيوس محرم مغيريءَ جون گھڻيون ڪهاڻيون مادي ترقي پويان ڊڪندڙ، روحاني ڀڃ ڊاهه جو شڪار اڄوڪي سماج جو اُهو تلخ عڪس آهن، جيڪو شايد ڪوئي ماڻهپي وارو منُ ڏسڻ چاهيندو. پر اها المياتي حقيقت آهي تہ اسان جو سماج اهڙن اُبتڙ روين جو مظاهرو فخر جوڳي انداز ۾ عام جام ڪرڻ لڳو آهي، جن جو ڪجهه اظهار هنن ڪهاڻين ۾ رقصان آهي. شديد سچ جو شائق رائيٽر بيوس محرم مغيري پنهنجين ڪهاڻين ۾ ڏنل موضوعن کي نفسياتي لحاظ کان نئين معنيٰ ارپي رهيو آهي. سندس ڪهاڻيون گواهي ڏين ٿيون تہ اُهي ٽئين دؤر جي نفسياتي/مايائي/ٻُچيپڙائي جھڙن وائرسن جون اگھاڙيون تصويرون آهن، جن کي پرکي ڪيرُ پنهنجو پاڻ سڌاري تہ جيڪر تباهيءَ ڏانهن وڌندڙ سماج صحيح رُخ ۾ ترقي ڏانهن سفر ڪري.“
ھي ڪتاب 2010ع  ۾ ڪنول پبليڪيشن پاران ڇپايو ويو، جنھن جي پي ڊي ايف ڪاپي حاضر آھي. ڪتاب جي ڪاپي عباس ڪوريجو جي ويب تان ورتل آهي.

محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام

sulemanwassan@gmail.com
sindhsalamat.com
books.sindhsalamat.com

نوٽ: ھن ڪتاب جي صرف پي ڊي ايف ڪاپي موجود آھي