تصوير جو خون
آسڪر وائلڊ کي عام طور تي لذتيت جي نظريي Hedonism جو قائل ۽ وڏو پرچارڪ سمجهيو وڃي ٿو. برابر ھن حُسن پرستي ۽ جماليات پرستي کي ھڪ ديني مسلڪ جو درجو ڏئي رس و گيان جي ھڪ پنٿ جو بنياد بہ وڌو. ھن تي ھم جنس پرستي جون تھمتون بہ لڳيون، ھن جي ڀرپور مخالفت ۽ نندا بہ ڪئي وئي ۽ ھن جي خلاف تحريڪون ھليون ۽ ھن کي جيل جي ڀوڳنا ڀوڳڻي پئي ... پر اھي سڀ مرحلا ھن جا نظرياتي تجربا ھئا. ھن ناول ۾ تہ ھو ثابت ڪري ٿو تہ اھو لذتيت پرستي جو مسلڪ سخت ھاڃيڪار آھي، فرد لاءِ بہ ۽ معاشري لاءِ بہ.