شعلا شعلا واءَ ۾
راشد مورائيءَ جي شاعريءَ جي ھن مجموعي ۾ نظم، قومي گيت، بيت، قطعا، دوھا، سھرا، ھوجمالو ۽ لولي شامل آھن. راشد مورائيءَ جي شاعري سندس باشعور ذھن ۽ زندھ ضمير جي آواز جو پڙاڏو آھي. ھو جڏھن بہ قوم کي ڪنھن ڏچي ۾ ڏِسي ٿو تہ سندس روح مان ھڪ رڙ نڪري ٿي وڃي تہ ھو اندر جي آواز کي دٻائي ۽ روڪي نٿو سگهي، ھو ھر قسم جي مصلحتن کي مليا ميٽ ڪري، صداقت جو ساٿ ڏئي ٿو. سندس شاعريءَ ۾ رومانس سان گڏ بغاوت بہ شامل آھي تہ سنڌ ڌرتيءَ سان عشق ۽ عقيدت بہ شامل آھي.