واٽ ويندي

سنڌي ادب ۽ صحافت جي ميدان ۾ علي احمد بروهي هڪ مقبول ۽ برجستہ ليکڪ ۽ نقاد جي حيثيت ۾ ڄاتو سڃاتو وڃي ٿو. بروهي صاحب روزنامہ هلال پاڪستان ڪراچي ۾ ”واٽ ويندي“ جي عنوان سان مستقل ڪالم لکندو رهيو آهي. سندس انھيءَ عنوان تحت لکيل ڪالم سنڌي زبان ۽ ادب ۾ وڏي اهميت رکن ٿا. انهن ڪالمن کي ڪتابي صورت ۾ سهيڙي ۽ سموھي ڇپايو ويو آھي. ”واٽ ويندي“ عنوان سان پنھنجن صحافتي ڪالمن وسيلي ڪڙن ۽ مٺن لفظن ۾ ڏيھي ۽ پرڏيھي حالتن جو جائزو ورتو آهي ۽ ان سان گڏ سياسي، ثقافتي ۽ معاشي فڪرن ۽ لاڙن جو اظھار پنھنجي انوکي انداز ۾ ڪيو آهي، انڪري هي ڪتاب اسان لاءِ هڪ ”تاريخي رڪارڊ“ جي حيثيت رکي ٿو، جيڪو ايندڙ نسل لاءِ نھايت ڪارائتو ثابت ٿيندو.