سنڌسلامت پاران
سنڌ سلامت ڪتاب گهر پاران ڊاڪٽر مظھرالدين سومرو جو لکيل تاريخي ۽ تحقيقي ڪتاب ”تحريڪِ آزاديءَ ۾ سنڌ جي عالمن جو حصو“ اوھان اڳيان پيش آھي.
ڪتاب ۾ سنڌ ۾ انگريزن جي آمد ۽ انھن جي سببن، سنڌ تي انگريزن جي قبضي، تحريڪ آزاديءَ جي آغاز کان آزاديءَ تائين ۽ سنڌ جي ابتدائي دور ۽ عالم جو ذڪر ڪيل آھي. ھن ڪتاب ۾ سڄن ھڪ سئو سالن جي انگريز لٽيرن ۽ شاطرن جي غلاميءَ مان آزاديءَ جي تحريڪ ۾ ھمعصر سنڌي علماءِ ڪرام جي ورتل حصي ۾ ادا ڪيل ڪردار جي ڳالھہ ڪيل آھي. ريشمي رومال تحريڪ، ھجرت تحريڪ، خلافت تحريڪ، خاڪسار تحريڪ، سنڌ ھاري ڪميٽي جي جدوجھد جو ذڪر ڪيل آھي. عالم سڳورن جي زندگيءَ جو احوال پڻ مفصل ڏنو ويو آھي.
ھي ڪتاب 2008ع ۾ نقش پبليڪيشنز، ڪراچي پاران ڇپايو ويو، جنھن جي پي ڊي ايف ڪاپي وتايي جي گهر جي سھڪار سان اوھان اڳيان پيش آھي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي