ھي ناولٽ هندستان جي ”نڪسلاهٽ“ هلچل جي پسمنظر ۾ لکيو ويو  آهي. ناول جو ليکڪ انل بروي دنيا ۾ ڪو گهڻو ڪونہ ٿو سڃاتو وڃي، منجهس لکڻ جي تمام گهڻي صلاحيت هئي. پر بدقسمتي سان 32 سالن جي ڦوهه جوانيءَ ۾ گذاري ويو ۽ ايئن سندس تخليقي جوهر تڙپندو ئي رهجي ويو. مراٺي ٻولي جي هن ناول جو پهريون گجراتيءَ ۾ ترجمو ٿيو، جتان پوءِ اردو ۾ ترجمو ٿيو ۽ يوسف سنڌيءَ اردو مان ئي ترجمو ڪيو آھي جيڪو پھريان سنگت جي ٽن پرچن ۾ ”ٿئنڪ يو مسٽر گيلارڊ“ جي نالي سان ڇپيو ھو. ھن ناول تي مراٺي ٻوليءَ ۾ فلم پڻ ٺھيل آھي.