سنڌسلامت پاران
سنڌ سلامت ڪتاب گهر پاران شھيد راڻي محترمہ بينظير ڀٽو جي لکيل مضمونن جي مجموعي "ایک جنرل کب پسپا ہوتا ہے" جو سنڌي ترجمو ”ھڪ جنرل کي ڪيئن ھارائي سگهجي ٿو“ اوھان اڳيان پيش آھي، جنھن جو سنڌيڪار ڊاڪٽر منظور قادر آھي.
شھيد محترمہ بينظير ڀٽو جي اھا مدبرانہ سياست، فھم، تدبر ۽ تحمل ئي ھيو جنھن جنرل مشرف جھڙي طاقتور چيف آف آرمي اسٽاف کي وردي ڇڏڻ تي مجبور ڪيو، اھا ھڪ جنرل جي شڪست ھئي. 8 سالن جي جلاوطني کانپوءِ بہ محترمہ ڀٽو پنھنجي تدبر ۽ سياست ذريعي پنھنجي لاءِ واپسيءَ جون راھون ھموار ڪيون ۽ جنرل کي ڳالھين لاءِ مجبور ڪيو ۽ کيس وردي ڇڏڻي پئي. پوءِ ان ساڳيي جنرل جي موجدگيءَ ۾ محترمہ کي ھڪ سازش تحت شھيد ڪيو ويو، پر سندس مضمونن ۾ ڪيل اڳڪٿيون ۽ تجزيا درست ثابت ٿيا.
ھي ڪتاب 2008ع ۾ نئون نياپو اڪيڊمي سچل ڳوٺ پاران ڇپايو ويو، جنھن جي پي ڊي ايف ڪاپي وتايي جي گهر جي سھڪار سان اوھان اڳيان پيش آھي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي