سنڌ مسلمانن جي فتح کان اڳ

سنڌ سلامت ڪتاب گهر پاران ايڇ ٽي لئمبرڪ جي لکيل ڪتاب Sindh Before the Muslim Conquest جو سنڌي ترجمو ”سنڌ : مسلمانن جي فتح کان اڳ“ اوھان اڳيان پيش آھي، جنھن جو سنڌي ترجمو سومار علي سومري ۽ ان جي تصحيح محمد ابراهيم جويي ڪئي آھي.

هي ڪتاب 11 بابن ۾ ورهايل آهي، باب 1 : سنڌو تهذيب، اُن جو اُسرن ۽ ڦهلجڻ، باب 2 : سنڌو تهذيب، عروج ۽ زوال، باب 3 : سنڌ جي قديم روايتي تاريخ ، باب 4 : سنڌ ، ايران جي هخامنشي بادشاهن جي هٿ هيٺ ، باب 5 :سڪندراعظم جي ڪاهه ، باب 6 :سنڌ ، موريا گهراڻي وارن ۽ بئڪٽريا وارن يونانين جي زماني ۾ ، باب 7 : سنڌ سٿين ۽ پارٿين لوڪن جي هٿ هيٺ ، باب 8 :سنڌ ، عيسوي سن جي پهرين پنجن صدين دوران ، باب 9 : سنڌ جو ٻڌ ڌرم وارو راءِ گهراڻو ، باب 10 : چچ جو قبضو ، ۽ باب 11 : سنڌ جي برهمڻ گهراڻي جو زوال. ڪتاب جي آخر ۾ لئمبرڪ جي حياتيءَ جو احوال، نامور اديب ۽ عالم غلام رباني آگري ۽ ڊاڪٽر حميده کهڙو جو لکيل ڏنو ويو آهي.

ھن ڪتاب جو پھريون ڇاپو 1984ع ۽ ٽيون ڇاپو 2005ع ۾ سنڌي ادبي بورڊ پاران ڇپايو ويو، جنھن جي پي ڊي ايف ڪاپي وتايي جي گهر جي سھڪار سان پيش آھي.

مينيجنگ ايڊيٽر ( اعزازي )

سنڌ سلامت ڊاٽ ڪام

sulemanwassan@gmail.com

www.sindhsalamat.com

books.sindhsalamat.com