سنڌسلامت پاران
سنڌ سلامت ڪتاب گهر پاران برطانوي عملدار جنرل هيگ جي سنڌوءَ جي ڇوڙ واري علائقي متعلق تحرير ڪيل انگريزي ڪتاب جو سنڌي ترجمو ”سنڌوءَ جي ڇوڙ وارو علائقو“ اوھان اڳيان پيش آھي، جنھن جو سنڌي ترجمو عطا محمد ڀنڀري ڪيو آھي.
جنرل هيگ پھريون مصنف هو، جنھن سنڌوءَ جي ڇوڙ واري علائقي بابت هيءُ معياري ڪتاب لکيو. هن پنھنجي ڪتاب ۾ ڇوڙ واري علائقي جي ڪُل ايراضي ڏھہ هزار چورس ميل ڄاڻائي آهي. سندس ڪتاب ۾ نو(9) باب آهن. پھرئين بابت ۾ سنڌو جي ڇوڙ واري علائقي جي ڄاڻ ڏني وئي آهي .ڇوڙ واري علائقي جو احوال سڪندر جي حملي واري دور کان شروع ڪري ان کانپوءِ وارن مختلف دورن ۾ ڇوڙ واري علائقي جي تاريخي ۽ جاگرافيائي صورتحال تي روشني وڌل آهي .ان کانسواءِ ڪتاب ۾ ڏنل ضميما پڻ اهميت جا حامل آهن. هن ڪتاب جو ترجمو، عطا محمد ڀنڀري سهڻي ۽ سليس اسلوب ۾ ڪيو آهي .پيش لفظ ڊاڪٽر نواز علي شوق جو لکيل آهي، جنهن ۾ هن ترجمي بابت لکيو آهي تہ هيءُ ڪتاب هونئن بہ اهم آهي، ويتر ڀنڀري صاحب حاشيا لکي، ان جي اهميت ۾ اضافو ڪيو آهي ۽ ڪن غلط مونجهاري وارين ڳالهين تي تاريخ جي حوالن سان روشني وڌي آهي .
ھي ڪتاب 1995ع ۾ سنڌي لئنگوئيج اٿارٽي پاران ڇپايو ويو، جنھن جي پي ڊي ايف ڪاپي وتايي جي گهر جي سھڪار سان پيش آھي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي