شاھ عبداللطيف ڀٽائي سنڌ جي تھذيب ۽ تمدن، سنڌ جي روايتن ۽ ثقافت، تاريخ ۽ جاگرافي، سنڌ جي لوڪ ادب ۽ ٻوليءَ جي امرتا لاءِ جيڪي اڻ مَٽ نقش چٽيا آھن، ھن ڪتاب ۾ مولانا دين محمد وفائيءَ انھن کي نروار ڪيو آھي. هن ڪتاب ۾ ڪل سَت فصل شامل آهن، جن ۾ شاھ جي وقت ۾ انقلابي حالت، سنڌ جي رهڻي ڪھڻي، سنڌ ۾ اميري ۽ غريبي، سنڌ جا پکي ۽ جانور ۽ شاھ جي ڪلام کي ڪيئن گڏ ڪجي ۽ رسالي ۾ ڌاريو ڪلام جهڙن عنوان هيٺ عالمانہ ۽ مدلل انداز ۾ بحث ڪيو ويو آهي. هي ڪتاب مواد جي ترتيب ۽ مضمون جي لحاظ کان شاھ جي حوالي کان اهم آهي