سنڌسلامت پاران
سنڌ سلامت ڪتاب گهر پاران نامياري ليکڪ سرمد عباسيءَ پاران ٻارن لاءِ لکيل ڪارٽون ڪھاڻين جي سيريز تي لکيل ڪھاڻين جو ڪتاب ”ٽام اينڊ جيري“ اوهان اڳيان حاضر آهي.
سرمد عباسي اهڙن ليکڪن مان هڪ آهي. جيڪي ڊگهي وقت کان ٻارن لاءِ مستقل طور تي ڪهاڻيون لکي رهيا آهن. سرمد نہ رڳو ڪهاڻيون لکي ٿو پر ان سان گڏ نئون تجربو ڪندي سنڌيءَ ۾ ٻارن لاءِ ”ڪارٽون ڪھاڻيون“ جي سري هيٺ سيريز لکي رهيو آهي. جيڪي دلچسپ هجڻ سان گڏ ٻارن جي اصلاح بہ ڪن ٿا، هو لکڻين ۾ سولي سادي ٻولي ۽ تشبيهون ڪتب آڻي ٿو جيڪي ٻار سولائي سان سمجهي سگهن ٿا. سرمد جڏهن پنهنجون اهي ٻاراڻيون ڪهاڻيون ۽ ڪارٽون ڪهاڻيون فيس بوڪ تي شيئر ڪندو آهي تہ ڪيترائي والدين کيس رايا ڏيندا آهن تہ هو پنهنجن ٻارڙن کي سندس اهي ڪهاڻيون پڙهي ٻڌائن ٿا جيڪي اهي وڏي شوق سان ٻڌندا (پڙهندا) آهن.
ھي ڪتاب ڪنھن بہ اداري ناھي ڇپايو. ٿورائتا آھيون سرمد عباسيءَ جا جنھن ڪتاب جي ڊجيٽل ڪاپي سنڌ سلامت ڪتاب گهر ۾ اپلوڊ ڪرڻ لاءِ موڪلي آھي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com