سنڌسلامت پاران
سنڌ سلامت ڪتاب گهر پاران شاعرن جي سرتاج شاعر شاھ عبداللطيف ڀٽائيءَ جي شخصيت، شاعريءَ جي فن ۽ فڪر بابت ڊاڪٽر ميمڻ عبدالمجيد سنڌيءَ جي مضمونن ۽ مقالن جو لکيل ڪتاب ”لطيف جو پيغام“ اوهان اڳيان حاضر آهي.
شاھ لطيف سنڌ جو ثقافتي روح آھي. سندس فڪر سنڌ جي عوام لاءِ ھڪ آب حيات جي حيثيت رکي ٿو. ڀٽائي انھن ھستين مان ھيو جي صدين کان پوءِ پيدا ٿيندا آھن ۽ ڪنھن خاص مقصد ۽ آدرش واسطي، ڌرتيءَ تي آندا ويندا آھن. ڊاڪٽر سنڌيءَ وڏي محنت، محبت، عرق ريزي، جاکوڙ ۽ تحقيق جي اتساھ سان شاھ لطيف جي شاعريءَ جي انيڪ پھلوئن تي نھايت سليس ۽ سلوڻي انداز ۾ روشني وڌي آھي.
ھن ڪتاب جو پھريون ڇاپو 1989ع ۾، ٻيو ڇاپو 1993ع ۾ ۽ ٽيون ڇاپو 1998ع ۾ مھراڻ اڪيڊمي، شڪارپور پاران ڇپايو ويو، جنھن جي اسڪين ڪاپي صاحب خان ميراڻيءَ جي ٿورن سان سنڌ سلامت ڪتاب گهر ۾اپلوڊ ڪري رھيا آھيون.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي