سنڌسلامت پاران
سنڌ سلامت ڪتاب گهر پاران ”شاھ جو رسالو (برٽش ميوزيم ايڊيشن)“ اوھان اڳيان پيش آهي. رسالي جي تصحيح ۽ تحقيق ڊاڪٽر نبي بخش خان بلوچ ڪئي آھي.
هن رسالي ۾ ڪاتب جو نالو ۽ ڪتابت جو سال ڄاڻايل نه آهي. البته هي رسالو 14 فيبروري 1886ع ۾ برٽش ميوزيم ۾ داخل ڪيو ويو. ڊاڪٽر بلوچ صاحب جي تحقيق موجب هي رسالو، ڪڇ جي روايت ڏسجي ٿو. هن رسالي ۾ ڪُل 284 صفحا، 28 سُر، 1822 بيت ۽ 86 وايون آهن. هي رسالو سُر سسئيءَ کان شروع ٿي سُر بسنت تي ختم ٿئي ٿو. هن رسالي ۾ ڌارئين ڪلام هجڻ بابت پڻ نشاندهي ٿيل آهي. هي رسالو ڊاڪٽر نبي بخش خان بلوچ جي تحقيق ۽ تصحيح سان 1969ع ۾ ڀٽ شاھ ثقافتي مرڪز ڪميٽيءَ، ڀٽ شاهه ڇپائي پڌرو ڪيو.
هن رسالي جو ٻيو ڇاپو 2014ع ۾ ثقافت کاتي پاران ڇپايو ويو جنھن جي پي ڊي ايف ڪاپي سنڌيڪا اڪيڊميءَ جي سھڪار سان پيش ڪري رھيا آھيون. ٿورائتا آھيون ثقافت کاتي جا جن ھي رسالو سنڌ سلامت ڪتاب گهر ۾ پيش ڪرڻ جي اجازت ڏني.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي