مشرقي شاعريءَ جا فني قدر ۽ رجحانات

 گرامي صاحب ”مشرقي شاعريءَ جا فني قدر ۽ رجحانات“ عربي، فارسي ۽ اردوءَ جي قديم ۽ جديد شاعري ۽ ادب جي مثالن ڏيڻ کان سواءِ، هن شعر جي صنفن، فڪر ۽ فلسفي تي سمورو ”عربي، فارسي، اردو“ ادب آڻي گڏ ڪيو آھي. گرامي صاحب واحد ماڻھو هو، جنهن ان دور ۾ شيخ اياز، ترقي پسند شاعري ۽ ترقي پسند ادب جو عملي طور دفاع ڪيو ۽ رجعت پسند ڌرين خلاف قلمي جھاد ڪندي ھي شاندار ۽ شاهڪار مقالو لکيو، جنھن ۾ ادب توڙي جديد شاعريءَ جي موضوعن، مضمونن، اسلوبن ۽ هيئت وغيره جو جيڪو ناقدانہ ۽ فنڪارانہ جائزو ورتو اٿس. تنھن ھن دستاويز کي هڪ لاجواب  بي مثال شاهڪار جو درجو ڏئي ڇڏيو آهي... ان دور ۾ وڙهي ويندڙ ادبي جنگ جو اهڙو دستاويز ۽ نئين ادب ۽ شاعريءَ جو اهڙو وڪالت نامو سنڌي ادب ۾ اڄ تائين ٻيو ڪوبہ نہ آهي. باقي سڀ ٻاهرين نظرين جا وڪالت ناما آهن.