سنڌسلامت پاران
سنڌ سلامت ڪتاب گهر پاران نامياري، شاعر، ڪھاڻيڪار ۽ محقق رضوان گُل جي محنتن سان تيار ڪيل”جاگرافيءَ جي لغت“ اوھان اڳيان پيش آھي. ھي لغت جاگرافيءَ لاءِ سنڌي ٻوليءَ ۾ ڇپيل پھرين لغت آھي.
جاگرافيءَ جي مضمونن ۾ ايندڙ لفظن جي سنڌي معنيٰ سمجهڻ ھڪ ڏکيو ڪم ھيو، جنھن کي رضوان گُل سولو ڪري ڇڏيو آھي. جاگرافيءَ جي مضمون جي شاگردن، استادن يا عام ماڻھن کي ابتدائي يا بنيادي ڄاڻ لاءِ ھي ھڪ ڪارائتي ڪاوش آھي. ھن لغت ۾ جيالاجي ۽ ارضيات جي علمن جي ڄاڻ پڻ موجود آھي. ھيءَ لغت ھڪ ليکڪ ۽ جاگرافيءَ جي استاد تيار ڪئي آھي، جنھن کي سنڌ يونيورسٽيءَ جي جاگرافي ڊپارٽمينٽ جي پروفيسر رفيق ڌناڻيءَ سنواريو آھي.
ھي ڪتاب 2012ع ۾ سنڌي لينگيوئيج اٿارٽي پاران ڇپايو ويو، جنھن جي اسڪين ڪاپي وتايي جي گهر جي سھڪار سان ھتي شيئر ڪجي ٿي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي
ھن لغت جي لنڪ سنڌي لئنيوئيج اٿارٽي جي ھن لنڪ تي موجود آھي