سنڌسلامت پاران
سنڌ سلامت ڪتاب گهر پاران ھندستان جي شھر احمدآباد سان تعلق رکندڙ سنڌي شاعر، نقاد، مترجم ۽ ڪالم نگار ڀڳوان نردوش جي چونڊ غزلن جو مجموعو ”غزلن جي گونج“ اوھان اڳيان پيش آھي..
شري ڀڳوان نردوش ڀارت جو ھڪ برک ۽ اعليٰ شاعر آھي ۽ سندس 15 ڪتاب شايع ٿيل آھن. نردوش جي خوبي آھي سليس ٻولي. ھن جي شعرن ۾ نہ ڪي ور وڪڙ آھن ۽ نہ ئي ڏاھپ جو ڪلابازيون. ھو جيڪو بہ چئي ٿو سڌو، سنواٽو ۽ سليس ٻوليءَ ۾ چئي ٿو. نردوش جي غزلن ۾ رومانس جا رنگ بہ جام ملن ٿا..
ھي ڪتاب 2018ع ۾ بي ڪي ھوتچنداڻي (ڀڳوان نردوش) پاران درشن پرنٽرس احمدآباد، ھندستان مان ڇپايو ويو، جنھن جي پي ڊي ايف ڪاپي اوھان اڳيان پيش آھي. ٿورائتا آھيون ھينا ھير جا جنھن ڪتاب سنڌ سلامت ڪتاب گهر ۾ اپلوڊ ڪرڻ لاءِ موڪليو.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي