اسلام جو معاشي نظام
ھن ڪتاب جي مختلف مضمونن ۾ ليکڪ ان ڳالھ کي ثابت ڪرڻ جي ڪوشش ڪئي آھي تہ صرف اسلام ئي اھڙو مذھب آھي جنھن ۾ انسانن جي گهرجن جو مڪمل لحاظ رکيو ويو آھي. انڪري اسلام کي نوع انساني جو مڪمل، جامع ۽ ابدي دين چئي سگهجي ٿو. اسلام معيشت جي باري ۾ ڇا تعليم ڏني آھي؟ اھا ڪيتري ڪارگر آھي؟ انھن سوالن کي سمجهايو ويو آھي. ساڳي وقت سوشلزم، سامراجي ۽ سرمائيدارانہ نظام جي ڀيٽ ۾ اسلامي معاشي نظام کي سڀني کان وڌيڪ بھتر ڪري پيش ڪيو ويو آھي. ليکڪ ھن ڪتاب ۾ 236 مضمون شامل ڪيا آھن جن ۾ موجودہ وقت جي مسئلن بشمول متروڪ جائداد، مھاجرن ۽ پناھگيرن جي تفصيل، سنڌ سان ڪيل ملڪي ڏاڍ جي تفصيلن، ڪوٽا سسٽم کي شريعت ذريعي درست ثابت ڪرڻ جي ڪوشش ڪئي آھي.