ڪي نہ وسرن مور
ھيءُ ڪتاب فيض احمد فيض جي سوويت يونين جي مختلف موقعن تي ڪيل دورن جي يادگيرين تي ٻڌل آھي. فيض پھريون ڀيرو 1958ع ۾ سويت يونين ويو ھو. سندس خدمتن عيوض ھن کي سويت يونين جي سرڪار ”لينن امن ايوارڊ“ پڻ ڏنو ويو. فيض احمد فيض کي سوويت يونين جي سوشلسٽ سرشتي سان ڪنھن حد تائين اُنسيت بہ ھُئي ۽ پاڻ پاڪستان ءُ سوويت يونين جي وچ ۾ ھڪ خاموش سفير جو بہ ڪردار ادا ڪندو رھيو. فيض جو سويت اديبن سان ويجهو ۽ گھرو تعلق رھيو.