مينھن ڪڻيون
”مينھن ڪڻيون“ شيخ اياز جي ھائيڪن تي مشتمل ڪتاب آھي. محمد علي ابڙو لکي ٿو: ”شيخ اياز هائيڪن ۾ هڪ نواڻ ۽ جدت پيدا ڪئي آهي. هائيڪن ۾ ڪافي نوان تجربا بہ ڪيا آهن. ڪيترائي هائيڪا عشقيہ داستانن تي پڻ لکيل آهن. سندس هائيڪن ۾ ٻولي رسيلي ۽ نج سنڌي آهي. شيخ اياز جو مطالعو ۽ مشاهدو وسيع آهي، تنھنڪري هائيڪن ۾ ڪافي نيون تشبيھون، استعارا ۽ نوان لاڙا نظر اچن ٿا. هائيڪو لاءِ جيئن فطرت لازمي آهي، تيئن ئي شيخ اياز پنھنجن فطرتي جذبن کي عڪسيت ۽ منظرنگاري ڏيئي خوب چٽو ڪيو آهي.“