سرڪش سنڌيءَ جي  شاعريءَ جو اهم پھلو مزاحمتي ادب آهي، جنھن کيس سنڌ توڙي هند جي سنڌي ماڻھن جي دلين ۾ وڏي عزت ۽ مڃتا ڏني. سرڪش سنڌي هڪ شفيق استاد، ترقي پسند شاعر ۽ قومي ڪارڪن پڻ هو، سرڪش سنڌ جو اهو مزاحمتي شاعر آهي، جنھن جي هر سٽ ۾ سنڌ ۽ سنڌين سان ٿيندڙ ڏاڍاين خلاف آواز بلند ٿيل آهي. هن پنھنجي زندگيءَ ۾ ڪڏهن بہ اصولن تي سوديبازي نہ ڪئي، هو سنڌي روايتي سونھن، محبت، انسانيت ۽ جبر خلاف مزاحمت جو شاعر هو، هن سنڌ جي حالتن کي ڏسندي نہ صرف ان دردن درمانن جي اظھار لاءِ شاعريءَ کي پنھنجي اظھار جو ذريعو بڻايو، پر عملي سياسي جدوجھد ۾ بہ سرواڻيءَ وارو ڪردار ادا ڪيو.