خواب خوشبو ڇوڪري

هن ناول ۾ سنڌ ۾ جاگيرداري نظام، سياست، اپر ڪلاس کان وٺي لوئر مڊل ڪلاس جي ڏکن سکن ۽ همدرديءَ کي موضوع بڻايو ويو آهي. مھاڳ ۾ علي بابا لکي ٿو تہ: ”ماهتاب وٽ سنڌي ٻوليءَ جي ڄڻ ڪائي کاڻ آهي، جنھن کي جيئن کوٽبو تيئن وساريل اکرن جا املھ ماڻڪ نروار ٿيندا ويندا ۽ اکرن جي تيج کان اسان جون اکيون چھنجي وينديون، ماهتاب جي هن ناول خواب خوشبو ڇوڪري ايڪھين صديءَ ۾ داخل ٿيڻ لاءِ هڪ شاهي دروازو ٺاهي ڏنو آهي، جيئن اسين پنهنجا سمورا ڪڌا ڪرتوت، وحشتون، بيھودگيون، ڪوڙا ويساھ ڀرم، وڏ ماڻھپايون ۽ حرامپايون، تمنائون ۽ ويھين صدي وارو سمورو گند ڪچرو پاسيرو ڪري، نئين سر ڌوپجي سوپجي پنھنجي نئين نسل سان گڏ ايڪھين صديءَ ۾ داخل ٿيون“.