ايءُ خاڪيءَ جو خيال

خاڪي جويو سنڌ جو ھڪ قومپرست انقلابي شاعر آھي. خاڪيءَ جي شاعري سنڌ جي ماڻھن جي احساسن، امنگن ۽ جذبن جي نہ رڳو ترجماني ڪري ٿي، پر اسان جي پنھنجي ديس ۾ اسان جي پنھنجي وجود جي سڃاڻپ لاءِ سڏ ڪندي بہ نظر اچي ٿي. خاڪي جويو شاعراڻي ٻوليءَ جي لحاظ کان، ھڪ انفرادي حيثيت رکي ٿو. ھن شاھ لطيف وانگر ڪلاسيڪي ۽ عوامي ٻولي ڪتب آندي آھي. ھن ڌرتيءَ جي رنگن، ڳوٺ جي حُسناڪين کي ڳايو آھي. ھن مجموعي ۾ بيت، وايون، دوھا، گيت، غزل ۽ نظم شامل آھن.