سنڌي ٻوليءَ جو تشريحي گرامر

سنڌ سلامت ڪتاب گهر پاران نامياري اسڪالر ڊاڪٽر غلام علي الانا جو لکيل ڪتاب ”سنڌي ٻوليءَ جو تشريحي گرامر“ اوھان اڳيان آڻي رھيا آھيون.

هن ڪتاب ۾ سنڌي ٻوليءَ جي گرامر کي نھايت آسان بڻايو ويو آهي، جيئن هر درجي جي ٻار جي سمجهہ ۾ اچي. هن کي ڪُل چئن ڀاڱن ۾ ورهايو ويو آهي. پھريون ڀاڱو: ’ڳالھائڻ جا لفظ ۽ انھن جو اڀياس‘ جي نالي سان چوڏهن بابن تي مشتمل آهي، جنھن ۾ ڳالھائڻ جا لفظ، اسم جا عدد، رائج حالتون، انھن جا قسم، حرف جر، صفت، ظرف، فعل، فعل جا ڪردنت يا مشتق مرڪب فعل، زمانن جو اڀياس، فعلن جون معروضي ۽ مجھولي صورتون/ فعلن جا پريوگ، حرف جملو، حرف ندا شامل آهن. ٻيو ڀاڱو: ’علم صرف جو اڀياس‘ جي نالي سان صرف هڪ باب تي مشتمل آهي، جنھن ۾ علم صرف جي وصف، ڪارج ۽ مفھوم ڏنل آهن. ٽيون ڀاڱو: ’علم نحو جو اڀياس‘ جي نالي سان ڇھن بابن تي مشتمل آهي، جنھن ۾ نحو جي وصف ۽ اُن جا اصول، جملي يا فقري جا مکيہ ڀاڱا، جملن جا قسم، عبارت/ اُسلوب (Style) جي لحاظ کان جملي جا قسم، ضمير متصل جو استعمال، ٻٽا ضمير متصل- شامل آهن. چوٿون ڀاڱو: چئن بابن تي مشتمل آهي، جنهن ۾ ترڪيب، تفريق يا ڇيد ڪرڻ، بيھڪ جون نشانيون، سنڌي ويا ڪرڻ جون ڪي خاص ۽ اهم خصوصيتون شامل آهن. هن ڀاڱي ۾ مختلف جانورن/جاندارن جي آوازن لاءِ لفظ، جانورن جي ڦرن/ ٻچن جا نالا، محنت ڪشن جي اوزارن جا نالا، اصطلاح/ ورجيسون، ڪي چونڊ تشبيھون ڏنل آهن. ڊاڪٽر غلام علي الانا کان پھرين ڪنھن بہ گرامر نويس سنڌي ٻوليءَ جي گرامر کي ايترو آسان ۽ تشريحي بڻايو آهي.

ھي ڪتاب 2010ع ۾ سنڌي لينگيوئيج اٿارٽيءَ پاران ڇپايو ويو.  ڪتاب جي پي ڊي ايف ڪاپي ايم ايڇ پنھور انسٽيٽيوٽ  جي سھڪار سان اوهان سان شيئر ڪجي ٿي.

مينيجنگ ايڊيٽر ( اعزازي )

سنڌ سلامت ڊاٽ ڪام

sulemanwassan@gmail.com

www.sindhsalamat.com

books.sindhsalamat.com