ھن ڪتاب ۾ شامل سائين جي ايم سيد جو مضمون پراڻو آھي يعني جڏھن سنڌ تي انگريزن جي حڪومت ھئي ۽ جي ايم سيد سنڌ مان چونڊيل ايم ايل اي (Member of Legislative Assembly MLA) ھيو . تن ڏينھن ۾ سائين جي ايم سيد جنھن تڪ تان چونڊيل ھيو سو ھاڻوڪي ڪراچيءَ جي ضلعن، ٺٽو ۽ دادو ضلعن تي مشتمل ھيو. انھن ڏينھن ۾ پڻ عدليا ۽ انتظاميا جي ساڳي ڳٺ جوڙ ھئي جيڪا ھن وقت آھي. جي ايم سيد ان وقت انگريزي ۾ ھڪ مضمون لکيو ھو Sindh & Separation of Judicial from Executive جي عنوان سان. ڇاڪاڻ تہ ھاڻي بہ صحيح نموني سان ايگزيڪيوٽو ۽ جڊيشل ھڪ ٻئي کان آزاد ۽ ڌار ناھن تنھنڪري سائين جي ايم سيد جي ھن مضمون کي سنڌيءَ ۾ پيش ڪجي ٿو. ڪتاب ۾ مضمون بابت مقدمو، تبصرا، رايا ۽ لاڳاپيل مضمون پڻ شامل ڪيا ويا آھن.