سنڌسلامت پاران
سنڌ سلامت ڪتاب گهر پاران اڇڙي ٿر جي پنجن شاعرن جو سھيڙيل شاعريءَ جو مجموعو ”اکين جي پاند ۾“ اوھان اڳيان آڻي رھيا آھيون، جنھن جو سھيڙيندڙ سانوڻ راڄڙ آھي.
ھي ڪتاب اڇڙي ٿر سان تعلق رکندڙ پنجن شاعرن ھمدرد جانوري، وفا جانوري، روشن لغاري، سلطان احمد چانڊيو ۽ رستم علي پالاريءَ جي شاعريءَ تي مشتمل آھي. ھن مجموعي جا شاعر جيتوڻيڪ ڪي وڏا نالا ناھن، پر ھي اھي نوجوان شاعر آھن، جن اڇڙي ٿر جي درد جي واديءَ مان جنم ورتو آھي. سندن شاعريءَ ۾ پنھنجي ڀونءِ جي مٽيءَ جي خوشبو سان گڏ ھتان جي ماڻھن جي دردن جا داستان ملن ٿا. سندن شاعريءَ ۾ اڇڙي ٿر جي فطرتي سونھن پسي سگهجي ٿي. سندن شاعريءَ ۾ اڇڙي ٿر جي روين، احساسن، جذبن سان گڏ تعميري خوابن جي جهلڪ پڻ ڏسي سگهجي ٿي.
ھي ڪتاب 2018ع ۾ اڇڙو ٿر پبليڪيشن ۽ سنڌي ادبي فورم، اڇڙو ٿر پاران ڇپايو ويو، جنھن جي پي ڊي ايف سانوڻ راڄڙ جي سھڪار سان اوهان سان شيئر ڪجي ٿي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي