ھن شھرَ ۾ ھڪ شھرُ ھو
هن ناول جو مرڪزي ڪردار شڪارپور جو رهواسي آهي، جيڪو ورهاڱي جي واءَ ۾ اڏامي، پهرين ممبئيءَ ڀرسان هڪ ڪئمپ ۾ وڃي پھتو ۽ اڳتي هلي هن مھان نگري ممبئيءَ جي سمنڊ ڪناري هڪ عاليشان گهر جوڙي ورتو. جيا جادواڻيءَ جي ٻولي لفظن کان وڌيڪ احساسن جو اظھار ڪري ٿي جنھن ڪري هوءَ پنھنجي پڙهندڙن کي ٻاهران کان ڪٽي، ناول سان جوڙي رکي ٿي ۽ ائين پڙهندڙ پنهنجو پاڻ ۾ ٻاهر کان اندر اچڻ لڳي ٿو، جيڪا ئي هن جي اصل ڪائنات آهي. جيڪا ئي جيا پسائڻ چاهي ٿي.