الزليخا
”الزليخا“، سيد حسام الدين راشديءَ جي تخليقي ادب جي حوالي سان ”قصا نويسيءَ“ جي صنف ۾ پھرين تاليف آھي. ھن ڪتاب ۾ ھڪ مذھبي قصي جيڪو قرآن شريف ۾ پڻ احسن القصص جي نالي سان آيل آھي، يعني ”يوسف زليخا“ جي داستان کي روايتي قصن جي انداز کان ھٽي، جديد رنگ ۾ ھڪ ”ناوليٽ“ جي صورت ۾ پيش ڪيو ويو آھي. الزليخا جو علمي ۽ ادبي جائزو پيش ڪرڻ سان گڏ سنڌي زبان ۾ يوسف زليخا جي قصي کي نظم خواھہ نثر ۾ جن شاعرن، عالمن ۽ اديبن تاليف ڪيو آھي، تن جو پڻ ھتي ذڪر ڪيو ويو آھي.