روشني (شاھہ جي ڪلام جي لغت)
هيءَ ڊاڪٽر نبي بخش خان بلوچ جي سھيڙيل شاھہ لطيف جي ڪلام جي لغت آهي. هن لغت ۾ شاھہ جي ڪلام ۽ اساسي سنڌي ٻوليءَ جي لفظن ۽ اصطلاحن سان گڏ حرفن، فقرن ۽ ڪن بيتن جي سٽن جي بہ وضاحت ڪئي وئي آهي، تہ جيئن شاھہ جي ٻوليءَ ۾ انھن جي استعمال کي صحيح نموني سمجهي سگهجي. لغت ۾ شامل حرفن، لفظن، اصطلاحن، فقرن ۽ سٽن کي ’جامع سنڌي لغات‘ واري ترتيب ڏئي، ان ۾ مصدرن کي وضاحت سان ڏنگين ۾ لکيو ويو آهي. هن لغت ۾ شاھہ جي بيتن ۽ واين جي ڏکين لفظن، حرفن ۽ اصطلاحن جي معنيٰ شامل آهي، جن جو تعداد 7500 جي لڳ ڀڳ آهي.