گهنگهر گهاريم ڏينھڙا
سڪندر سرواڻ ناميارو اديب، صداڪار ۽ گهڻ رخي شخصيت جو مالڪ آھي. ھيءَ جيل ڊائري 1978-79 واري دور جي آھي، جڏھن ضياءَ دور جي آمريت جي شروعات ھئي ۽ ھڪ ميجر پاران نوابشاھہ ڪاليج جي ھڪ سنڌي نياڻي شيرين سومرو سان ڏاڍائي ڪئي ۽ ان واقعي خلاف سنڌ جي ٻين شاگردن جيان جوھيءَ ۾ احتجاج ڪيو، جنھن کانپوءِ گرفتار ٿي مختلف جيلن ۾ قيد جون سختيون سَٺيون. ھن جيل ڊائريءَ ۾ سڀني واقعن کي جيئن جو تيئن ڏنو آھي، جنھن سان ان دور جي حالتن کي چڱيءَ ريت سمجهي سگهجي ٿو.