سنڌسلامت پاران
سنڌ سلامت ڪتاب گهر پاران نامياري ڪھاڻيڪار حميد سنڌيءَ جي ڪھاڻين جو پھريون مجموعو ”اداس واديون“ اوھان اڳيان پيش آھي.
ھن مجموعي ۾ حميد سنڌيءَ جون 1958ع کان 1965ع تائين جون لکيل 11 ڪھاڻيون شامل آھن. حميد سنڌيءَ جي ڪھاڻين ۾ محبت، مجاز، جدائيءَ جا ورلاپ، اميد جي ڪرڻ نظر اچن ٿا. سندس ڪھاڻيون گهڻو تڻو نج ٻھراڙيءَ جي پسمنظر ۾ لکيل آھن. سندس ڪھاڻين ۾ معاشرتي ظلم، ستم، ڏاڍ، جبر سڌو سنئون نظر اچي ٿو. سندس ڪھاڻين ۾ ڪردارنگاري تي وڌيڪ ڌيان ڏنل آھي. سندس ڪھاڻين جا ڪردار ھمٿ ڀريا ۽ اڏول آھن.
هن ڪتاب جو پھريون ڇاپو، 1965ع ۾، زندگي پبليڪيشن، حيدرآباد پاران ڇپجي پڌرو ٿيو هو ۽ ٻيو ڇاپو، نيو فيلڊس پبليڪيشن، حيدرآباد پاران 1985ع ۾ ڇپايو ويو. جنھن جي اسڪين ڪاپي شير علي چانڊيي جي سھڪار سان اوهان سان شيئر ڪجي ٿي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي