اُھا شام
وطن ڇڏڻ جي درد موھن ڪلپنا کي قلمڪار بڻائي ڇڏيو ۽ 1948ع ۾ ھن پھرين ڪھاڻي لکي. موھن ڪلپنا پنھنجي لکڻين ۾ سماج جي ھر پھلوءَ تي کُليءَ دل سان لکيو آھي. ھو خيالن جي اظھار ۾ ڪڏھن بہ مصلحت رکڻ وارو نہ رھيو آھي. موھن جا ڪردار يگانا ۽ طاقتور، ڳالهه جو اظھار ڪرڻ ۾ چٽا آھن. موھن ڪلپنا جي ڪھاڻين ۾ انساني رشتن جا حلقا ۽ ناتا مرڪزي نڪتو ھوندا آھن ۽ ھن مجموعي جي خاصيت اھا آھي تہ ڪتاب ۾ شامل سڀئي ڪھاڻيون عورت ۽ مرد جي باھمي رشتي مشتمل آھن.