ڪارو ڪارونڀار
عبدالحق عالماڻي 1965ع کان لکڻ جي شروعات ڪئي، جڏهن سنڌ ۾ ون يونٽ ٽوڙائڻ ۽ سنڌي ٻوليءَ کي قومي زبان بڻائڻ جون تحريڪون عروج تي پھچي چڪيون هيون. عالماڻيءَ پنھنجي قومي امنگن جي اظھار جو وسيلو مختصر ڪھاڻين کي بڻايو ۽ ڪن ڪھاڻين ۾ قومي بيداري آڻڻ لاءِ هن آئيڊيل ڪردار تخليق ڪيا. ھو ھڪ قومپرست ليکڪ ھو، سندس خيالن جو ڪعبو سنڌ ھئي. سندس فن ۾ نج ڳوٺاڻو ماحول ۽ رومانوي عنصر نظر اچي ٿو. سندس اوچتي موت سنڌي افسانوي ادب کي گهڻو نقصان رسايو.