تمر فقير جو ڪلام
ھي ڪتاب 1964ع ۾ سنڌ يونيورسٽي ۾ پيش ڪيل مونوگراف آھي، جنھن ۾ مولانا غلام مصطفيٰ قاسمي صاحب سڌارا ۽ واڌارا ڪيا آھن. تمر فقير“ شاهہ عبدالطيف ڀٽائيءَ جو وڏو خليفو، شاعر، راڳائي ۽ شاهہ جي راڳ جي سلسلي کي کانئن پوءِ جاري رکندڙ هو. تمر فقير شاهہ لطيف وانگر ڪيترن سرن ۾ بيت ۽ وايون چيون، سندس شاعريءَ تي شاهہ سائينءَ جو رنگ غالب آهي. تمر فقير جو گھڻو ئي ڪلام هو. پر محفوظ ٿورو رهيو آهي. هُو شاھہ لطيف جھڙي آسمان ادب جي آفتاب جي اثر هيٺ اُسريو. هن جي شاعريءَ جو رنگ ساڳيو آهي، جنھن ۾ رسالي جو روح قائم رکڻ جي ڪوشش ڪئي اٿس.