جاگيرداراڻي جبر ھيٺ
نسيم بخاري معاشري جي ظلمن تي ڪڙهندڙ هڪ گهڻ پاسائين شخصيت جو مالڪ آهي. درويش صفت، صوفي منش هر ظلم خلاف اظھار جي جرئت رکندڙ ڪڏهن ڪالم، ڪڏهن نظم تہ ڪڏهن غزل جي انداز ۾ تہ هي اسان کي ڪڏهن روڊن رستن تي پڻ نظر ايندو. هن جي قلم تي ڪڏهن ڪَٽُ ڪونہ چڙهي آهي، مسلسل لکندو پيو اچي. شڪارپور جي جاگيرداراڻي جبر ھيٺ آيل معاشري تي ھن بيباڪيءَ سان لکيو آھي ۽ اھڙا ئي ڪالم ھن ڪتاب جي زينت بڻيا آھن. نسيم بخاريءَ جون لکڻيون شڪارپور سان عشق جو اظھار آھن. ھي ڪالم وقت جي غير مھذب ڀوتارن جي ڪُڌن ڪرتوتن/ڪردارن ۽ ناڪام آفيسرشاھيءَ جي آرسي آھن.