وقت وٿيون وڇوٽيون
ڪلا پرڪاش نوڪري ڪندڙ عورت کي جوابدارين ۽ فرضن جي گهاڻي ۾ پيڙهجندڙ محسوس ڪيو آهي ۽ انھيءَ عورت جا احساس، خواهشون، جذبا ۽ عملي رويا ڪلا جي اکين آڏو ڦرن ٿا، ھن ناول جي ڪھاڻي بہ اھڙي ئي عورت جي چئوڦير گهمي ٿي. ڪلاپرڪاش جو قلم، پڙهيل ڳڙهيل ۽ قرباني ڏيندڙ عورت جي جذبن جو ترجمان ٿي وڃي ٿو. مجموعي طور پنھنجي فن ۾ هوءَ عورت جي ڪردار جي مختلف روپن کي اهميت ڏيندڙ آهي. ڪلاپرڪاش جو ھي ناول ھن دور جو جيئرو جاڳندو ۽ چِٽو عڪس آھي. ناول ۾ ڪلا جا سمورا خيال ۽ انھن جون اونھايون پڙھندڙ پنھنجي دل ۾ لھندي محسوس ڪندو.