پکن جي پريت ۽ پيار
ناول ”پکن جي پريت“ ۾ سنڌ جي سرھاڻ آھي. سنڌ ڇڏي ڀارت لڏي ويندڙن جي ڪھاڻي آھي، دبئي رستي سنڌ گهمڻ لاءِ آيل جوڙي جي ڪٿا آھي. ان عورت جر ڪٿا آھي جيڪا پنھنجي جنم ڀومي خانواھڻ پھچي ٿي. ناول جي ڪھاڻي محبت ديري، ڪنڊياري، خانواھڻ، ڪراچي ۽ ڀارت لڏي وڃڻ جي ڪھاڻي آھي. ڇا تہ سِڪ ۽ اُڪير اٿن پنھنجي گهر ڏسڻ جي. ڪمال جا ڊائيلاگ ۽ پسمنظر آھن. پڙھندڙ ناول جي ڪھاڻيءَ جي مڪالمن ۾ اکين مان لُڙڪ لاڙي ٿو ويھي. ناول ”پيار“ ڀارت جي ڪھاڻي آھي. لفظن جي مالھا پويل ڪھاڻي آھي.