منھنجي جان ڪوڪو

نور راھوجي جو ھي ناول بظاھر تہ بيڪ فليش ۾ لکيل مونولاگ رومانوي ناول آھي پر ان ۾ ھڪ ئي وقت رومانوي، سياسي، تاريخي، تجزياتي، تحقيقي ۽ تفريحي رنگ بہ موجود آھي. ھن ناول جي ڪھاڻي سنڌ سميت ترڪي ۽ چين جي سرحدن ۾ گهمي ٿي. ناول جو سورمو ”ڪبير“ آھي جنھن جو تعلق سنڌ سان آھي تہ سورميءَ جو تعلق ترڪيءَ جي ڪُرد خاندان سان آھي. ھي ٻئي ڪردار چين جي جنگ يونيورسٽيءَ جا شاگرد آھن، جن جو ايمان کاٻي ڌر جي سياست ۾ آھي. ناول ۾ ڏيکاريل آھي تہ سنڌين ۽ ڪردن سان سياسي ۽ سماجي طور ساڳي ويڌن آھي. ناول ۾ جديد سائنسي تعليم کي بھتر ھٿيار طور ڏيکاريو ويو آھي. ناول جي ٻولي، رچاءُ، تشبيھن ۽ مھاورن جو سھڻو استعمال ڪيو ويو آھي.