سنڌسلامت پاران
سنڌ سلامت ڪتاب گهر پاران سنڌ دوست ڪاموري ۽ نامور شخصيت محمد ھاشم لغاريءَ جي فن ۽ شخصيت بابت لکيل مضمونن ۽ ڪالمن تي مشتمل ڪتاب ”اھڙا ڀي انسان ٿين ٿا (محمد ھاشم لغاري: شخصيت ۽ فن)“ اوھان اڳيان آڻي رھيا آھيون، جنھن جو مرتب محمد عثمان منگي آھي.
محمد ھاشم لغاري سنڌ دوست ڪامورو ٿي گذريو آھي جنھن تعليم، زراعت ۽ پاڻيءَ لاءِ اھم فيصلا ڪيا ۽ انھن کي عملي جامو پھرايو. سرڪاري نوڪري تان رٽائرمينٽ کانپوءِ بہ ھن سنڌ ۽ سنڌين جي خدمت ڪرڻ سان گڏ حق ۽ سچ جي واٽ ورتي آھي. ھن اينٿالاجي مالھا ڪتاب ۾ سندس شخصيت ۽ فن تي مختلف نامور شخصيتن پاران لکيل مضمون ۽ سندس ڪجهہ چونڊ انٽرويوز ۽ سندس شعر ۽ شاعري شامل آھن.
ھي ڪتاب 2019ع ۾ سنڌ ماڻڪ موتي تنظيم، حيدرآباد پاران ڇپايو ويو جنھن جي پي ڊي ايف ڪاپي ايم ايڇ پنھور انسٽيٽيوٽ جي سھڪار سان پيش آھي.
محمد سليمان وساڻ
مينيجنگ ايڊيٽر (اعزازي)
سنڌ سلامت ڊاٽ ڪام
sulemanwassan@gmail.com
sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي