مرحوم عزيز ڀنگوار 1967ع کان پوءِ ھلايل شاگردن جي قومي تحريڪ ۾ ھڪ ڪارڪن جي حيثيت سان پنھنجي وت آھر ڪم ڪيو ۽ ان سموري عمل ۾ ھن جيڪي ڪجه ڏٺو ۽ محسوس اھو ھن ڪتاب جي شڪل ۾ اسان کي ڏئي ويو. عزيز ڀنگوار ڪتاب جي اڳياڙي ۾ لکي ٿو:
”ھن ڪتاب ۾ مون جيڪي ڪجه لکيو آھي سو سڀ سچ آھي. فرضي ڪھاڻي يا افسانو ڪونھي، پر پنھنجي زندگيءَ جو داستان لکيو اٿم. سنڌ جا سڄڻ مون کي محب وطن سمجهندا ھئا پر انھن سٻاجهڙن سنڌين کي مون جھڙي غدار جي اندر جي ڪھڙي خبر تہ آئون سنڌيت جو ڪوڙو لباس پھري عوام جي آڏو پنھنجو نالو ڪڍائڻ خاطر اھو سڀ ڪجه ڪندو رھيس“