مشھور جرمن ليکڪ ’هرمن هيس‘ (Herman Hesse) جي بيحد مقبول نوبيل انعام يافتہ ناول ”سڌارٿ“ Sidhartha   جو سنڌي ترجمو  پيش آهي، جنھن جو فضل احمد بچاڻي وڻندڙ ۽ محاوريدار ٻوليءَ ۾ ترجمو ڪيو آهي. هن ناول جا دنيا جي مختلف ٻولين ۾  ڪيترائي ايڊيشن ڇپجي چڪا آهن. اُن تي ڪيئي فلمون ٺھي چڪيون آهن ۽ ليکڪ کي نوبل انعام بہ ملي چڪو آهي، يورپ ۽ آمريڪا ۾ هن روحاني قسم جي ناول کي وڏي مقبوليت حاصل رهي. هن ڪتاب جو سورمو ’سڌارٿ‘، هڪ فقير صفت صوفي طبيعت برهمڻ زادو آهي، جنهن جو اندر ڪائنات ۽ تخليق جي اسرارن تان پردو کڻڻ لاءِ سدائين کان سِڪندڙ آهي، سو پنھنجي ’سچ‘ پسڻ لاءِ اُڃايل دل کڻي، حيات ۽ سنسار جي مختلف دورن مان گذري، مختلف واٽون وٺي، مختلف آزمودا پرائي، نيٺ هڪ نتيجي تي پھچي ٿو، جيڪو ئي هن ناول جو بنياد ۽ موضوع آهي.