ھي ڪتاب دراصل هڪ تحقيقي ۽ تاريخي مقالو آهي جيڪو پروفيسر محبوب علي چنا سيوهاڻي جي اڍائي سالن جي مسلسل مطالعي، تحقيق ۽ جاکوڙ جو نتيجو آهي. نوح سرور سائين جن 27 رمضان 911هہ بمطابق 21 فيبروري 1506ع هن ناسوتي دنيا ۾ قدم رکيو ۽ 27 ذوالقعد 998هہ بمطابق 27 سيپٽمبر 1590ع ۾ هن مجازي محلات مان اسھيا.  هن تاريڪ دور ۾ سنڌ جا ڪيترا عالم، فاضل، ۽ صوفي ترڪ وطن تي مجبور ٿيا، ۽ اهڙي طرح ويا جو وري وطن نہ وريا. انھن مھاجرن ۾ درٻيلي، بوبڪ ۽ پاٽ جا صاحب هئا. ڪتاب ۾ مخدوم نوح رحہ جي دور جي سنڌ جي سڀني علائقن جي ھمعصرين، بزرگن، مشائخن، شعراءِ ڪرام، پرديسي پرين، معتقدن ۽ مريدن سميت مختلف موضوعن تي لکيو ويو آھي.